"Pusog na Katanosan"

Udi ako nag-iisip isip kung pa'no
Makakaantos nanggad sa puro
Nasa ika duwa pa sanang paglakad
Kan sakong futurong nagsisikad
Na mahihiling asin tunay na maluwas
Kan sakong pirang taong pag-arasahas

Ngunyan palang mati ko na
Pagal sa lawas mahaldat na
Sa uro aldaw na gibo
Maski kung udto ma-atamg kang totoo
Gibo na dapat tapuson
Nganig makakua ka maski dos ki maestro

Nasisirip ko na naman
Lista kang gibohon duminagdag pa man
Huli ta naghirit si ma'am asin madam
Dagdag puntos man daa dawa dae man.

Scrapbook, research paper, asin brochure
Proyekto na dapat tapuson
Encoded pa pati nganig daa pormal hilingon
Makabagong teknolohiya talagang mapusogon
Bayad duman ki manoy asin tiya
Kinse pesos sarong oras abot pa...
Pano kaya si mga pobre sa panahon ngunyan
Matunganga nalang; singko abot kayan.

Arog talaga kani ang estudyante
Sakripisyong dakula ang minaagi
Sa sadiri mo man lang ini
Pagtapos sa eskwela may "reward" man ini.

Ngunyan dae na ako nakakaipon
Singkwenta sa sarong aldao masakit bangaon
Pamasahe, minsan minalakaw na ngani
Sa pagkakan, ang tada sa project man mina pirmi.

Sa satong inagihan sa uro-aldao
Gibohon ta ining paagi sa paglakaw
Paduman sa marahay na katapusan
Kan satong pinagpagalan
Matapos kitang sarabay asin malakad sa altar
Paduman sa marahay na FUTURO nin buhay.

For Submission:
Mr. Ryan Fortaleza
HUM1